१६० शाळेतील जवळ जवळ १०,००० विद्यार्थ्यांना त्याचा लाभ मिळाला. सोलापूर जिल्ह्यातील तीस हुन अधिक शाळांशी श्री घाटे संलग्न असून, शुद्ध पाणी व सांड पाणी योजना, सौचालय, पक्क्या इमारती, सोलार वीज अशा अनेक सुखसोई या शाळांना श्री घाटे यांनी उपलब्ध करून दिल्या आहेत.

महाराष्ट्र कृती समिती या संस्थेने ऑगस्ट २०१९ मध्ये श्री घाटे यांना जीवन गौरव पुरस्काराने सन्मानित केले आहे. महाराष्ट्र कृति समिती ही अखिल महाराष्ट्र माध्यमिक शिक्षक संघटना असून महाराष्ट्रातील ग्रामीण शिक्षण विकासात कार्यरत आहे.

श्री घाटे रोटरी संस्थेचे सक्रिय सभासद आहेत व त्यांच्या सामाजिक जीवनावर रोटरी तत्वांचा मोठा प्रभाव आहे. श्री घाटे यांची रोटरी तर्फे ठाणे जिल्ह्यातील जव्हार तालुक्यात सोलार वीज, बंधारे, व ग्रामीण शालेय विकास इत्यादी कामे उल्लेखनीय आहेत. 'रोटरी युथ एक्सचेंज' या आंतरराष्ट्रीय उपक्रमाची ठाणे जिल्ह्यात सुरवात करण्यात श्री घाटे यांचा महत्वाचा वाटा आहे.