आहार प्रॉअल्पांतर्गत प्रभाकर फौंडेशनने कोविड सेन्टर मध्ये काम करत असलेल्या रेसिडेंट डॉक्टर्सना सात आठवडे सकाळच्या न्याहारीच्या रूपात सकस आहार पुरवला. हे कोविड सेन्टर ठाण्यात भायंदरपाडा येथे असून ठाणे महानगरपालिका हे सेन्टर चालवत आहे. रु. ७३,००० खर्च करून हा उपक्रम पूर्ण करण्यात आला. या कार्यक्रमास लागणारे अनुदान मिळवण्यात व हा कार्यक्रम योग्य रीतीने राबवण्यात डॉ. गौरी कुलकर्णी यांनी सर्वतोपरी पुढाकार घेतला.

कोविड-१९ च्या साथीत लावलेल्या लोकडाऊन मध्ये विना अनुदानित शाळांमधील शिक्षकांची मोठ्या प्रमाणावर आर्थिक कुचंबणा झाली. बार्शी तालुक्यातील आशा ४० शिक्षकांच्या सहाय्यार्थ प्रभाकर फाउंडेशन ने १ महिना पुरेल एवढे धान्य वाटप केले.

सरकारच्या स्वच्छ भारत योजने अंतर्गत सरकारने ग्रामस्थांना संलग्न सौचालय बांधण्यासाठी प्रत्येकी १,२०० रुपये देऊ केले. परंतु आधुनिक पद्धतीच्या सेप्टिक टाकीची सौचालये या निधीत बसत नाहीत. दूरवरचा विचार करून प्रभाकर फाउंडेशन ने प्रत्येकी ५,००० रूपये देऊन यावली गावात ४५ आधुनिक सौचालय बामधण्यास मदत केली.

प्रभाकर फाउंडेशनने बदलापूर येथे बंधारा बांधण्यास मदत केली. शेतीकाम आणि जमिनीतील पाण्याची पातळी वाढवणे यासाठी या बंधाऱ्याच्या प्रामुख्याने उपयोग झाला. रोटरी क्लब ऑफ ठाणे सबर्बन या संस्थेने या प्रकल्पाची योजना आखली.

भाटीपाडा या गावठाणात प्रभाकर फौंडेशनने सोलार विजेची व्यवस्था केली. भाटीपाडा हे ठाणे जिल्ह्यातील जव्हार तालुक्यातील एक दुर्गम गावठाण. गावातील ३० घरातून विजपूरवठा, रस्त्यावरील दिवे इत्यादी या उपक्रमात समाविष्ठ होते. गावातील जवळ जवळपास २०० ग्रामस्थांना आयुष्याला एक नवी दिशा मिळाली.